Hier sammeln wir Kasmandl Gedichte und Bilder, die uns unsere Kasmandl zuschicken.
Wenn du auch ein Gedicht oder Bild für uns hast – dann schick uns dieses einfach zu!
Entweder über unser Formular, oder direkt über Facebook.
Gedichtübersicht von bereits eingesendeten Kasmandlgedichten:
Melanie S. – Da Stier:
I bin da Stier, bin hoach aus da greaßte hier.
Hob in gonzn Summa aufpasst auf de Sennerin und de Kiah,
owa hiaz is scho zkoit auf da oim,
drum gehma owa ins Toi und eine in woaman Stoi.
Joseph N., – Ois Sennerin:
I Bin die Sennerin va da Oberstockoim
Hob a Herz wia a Schwoim,
Hob a Herz wia a Fink ,
drum Leb i so Rink !!
Andrea B. – Kasmandl:
I bin is Kasmandl und bin no kloa,
ban Jausna sitz i mi auf an Stoa.
Speck und Kas des mog i gean
und dazua a lustigs Liadl hean.
Wonn e nochan groaß bin,
des sog i enk schoa,
suach i ma a Kasweibe,
nochan bin i neama so alloa!
Patrizia P. – Hoita:
I bin da hoeta… mei dosei is schwa
de sennen de miadl de kocht ni go ra.
De knedl sen kloa, de suppn is lind,
durch de hittn pfeift eiskoeta wind.
I muas de ficha suachn, oft knia tiaf im schnea,
Na hoeta… werd i… bestimmt koana mea.
Ludmilla B. – Hoita:
I bin da Hoitabua,
ho oabat glei neta gnuag,
muass renna wia a Hund,
olle tog 16 Stund.
Und mei Jausnsacke is woi glei netta a kloas Packe –
wei de Sennin geizig wia se is,
sewa woi am meistn isst.
Laura L. – Sennin:
Ih bin de Sennin va da Reastlolm
und heua hot´s mir ob`m narisch guat g`feun.
Oft hohne riern und kas`n toa
und de Zeit is voi schnee glaf`n davo`.
En Herrgott tua ich bittn,
dass er enk soll beschütz`n.
Recht vie Glück fü Haus und Steu,
bis ma kemman wieda ameu!
Thomas R. – Bauer:
Heit is wieda Kasmandltag
und hiatz losts zua, was i, da Bauer enk sog.
Es gonze Viech und a es Gsind
muas i schaun das va da Oim oa kimbt.
Wei do om is hiatz koa sei,
pfeift da Schneewind scho aus und ein.
In da Hittn los ma no lign a bissl a Jausn
das de Kasmandl kinnan guat hausn.
Hom jo bis Georgi in da Hiitn nix valogn,
wei hot des Kasmandl koa Rua griags woitan an Zoang.
De ruhige Zeit auf de gfrei i mi schoa;
Do is dawei das i mi aufs Ofnbanke loa.
Hiatz woas i nix mehr zan sogn,
ums weitere miasts meine Almleit frogn.
Michael G. – Kasmandl:
i bins kasmandl mitn liacht,
und geh voroh das jo nix gschiacht.
auf de berg tuat´s scho stürma und schneibn,
do kinnan ma a neama obn bleibn!
drum kemman ma a bissl oba za enk,
es gfreit eich gwiss, wia i mas denk.
Erni K. – Hoita:
I bin da Hoita va da Hiaslaoim,
heuer hots ma im summa nutz guat gfoin,
hon a sennren kop, a komote dudl,
hotma gmocht jeden tog an schwochzbeenudl.
Irene S. – Sennerin:
I bin de sennerin vom schilcher aibe,
Schauts mi o, bin i nit a feschas weibe?
Hob oiwei mit a poa schnuraus,
Deswegen schaut a da bauer so guat aus!
Karoline S. – Stier:
I bin da Stier mit 13 Kiah und bitt en Bauer um a Winterquatier.
Ob’n auf da Alm do duats Stürma und Schneibn do kinama neama oben bleibn.
Drum kemma heit oba za enk es gfreit enk gwieß wia i mas denk.
Philipp – Kasmandl:
I bins kasmandl vom preba daboama dur i ma fost söba
In fiaß hob i die gicht hoib dafroan is scho mei gsicht drum bitt i um a kloane spennt das mei leidn hot a end
Jakob – Kasmandl:
i bins kasmandl und hoass „jaggei“ und wonn mei diandl auf mi denkt hob i oiwei „schnaggei
Julia – Kasmandl:
I bins kasmandl va zedahaus, ko flian wie a fledamaus gach mochts bäng bin obgstürz in tweng